શેરબજારમાં આજે ઘટાડો જોવા મળ્યો. સેન્સેક્સ 715 પોઈન્ટના ઘટાડા સાથે 76,755 ના સ્તરે બંધ થયો. નિફ્ટીમાં પણ 191 પોઈન્ટનો ઘટાડો જોવા મળ્યો, તે 23,996 પર બંધ થયો. રિયલ્ટી, IT, મીડિયા અને બેન્કિંગ શેરોમાં આજે વધુ વેચવાલી જોવા મળી

ભારત પેટ્રોલિયમ કોર્પોરેશન એટલે કે BPCLએ નાણાકીય વર્ષ 2026-27 ના પ્રથમ ક્વાર્ટર (Q1FY27) એટલે કે એપ્રિલ-જૂનના પરિણામો જાહેર કર્યા. BPCLને આ ક્વાર્ટરમાં 3,962.13 કરોડ રૂપિયાનું નુકસાન થયું છે.

જ્યારે, ગયા વર્ષના આ જ ક્વાર્ટરમાં કંપનીને 6,123.93 કરોડ રૂપિયાનો ચોખ્ખો નફો થયો હતો. આ ઉપરાંત, માર્ચ ક્વાર્ટરમાં પણ આ ઓઇલ માર્કેટિંગ કંપનીને 3,191.49 કરોડ રૂપિયાનો ચોખ્ખો નફો થયો હતો.

બ્રેન્ટ ક્રૂડમાં આજે લગભગ 3% નો ઉછાળો છે. તે 94 ડોલર પ્રતિ બેરલ પર પહોંચી ગયું છે. નિષ્ણાતોનું માનવું છે કે જો અમેરિકા-ઇઝરાયલ અને ઇરાન વચ્ચે તણાવ વધુ વધશે, તો ઓઈલની કિંમતો 120 ડોલર પ્રતિ બેરલ સુધી પહોંચી શકે છે. તેની અસર ભારતમાં પેટ્રોલ-ડીઝલ પર જોવા મળી શકે છે.

આ પહેલાં ગઈકાલે શેરબજારમાં ઘટાડો જોવા મળ્યો હતો. સેન્સેક્સ 238 પોઈન્ટ ઘટીને 77,470 પર બંધ થયો હતો. નિફ્ટીમાં પણ 51 પોઈન્ટનો ઘટાડો જોવા મળ્યો હતો, તે 24,188 ના સ્તરે આવી ગયો હતો.