PM મોદીએ સોમવારે દિલ્હી સ્થિત ભાજપ મુખ્યાલય પર કહ્યું- બંગાળની પહેલી કેબિનેટ મીટિંગમાં જ આયુષ્માન ભારતને મંજૂરી મળશે. ઘૂસણખોરો પર કાર્યવાહી કરવામાં આવશે.

મહિલાઓને સુરક્ષાનું વાતાવરણ મળશે, યુવાનોને રોજગાર મળશે, પલાયન અટકશે. પશ્ચિમ બંગાળ, આસામ અને પુડુચેરીમાં સરકાર બનવા પર તેમણે કહ્યું- ગંગોત્રીથી ગંગાસાગર સુધી કમળ જ કમળ ખીલ્યું છે. વર્ષોની સાધના જ્યારે સિદ્ધિમાં બદલાય છે ત્યારે જે ખુશી થાય છે તે ખુશી હું કાર્યકર્તાઓના ચહેરા પર જોઈ રહ્યો છું.

આ દિવસ ઐતિહાસિક અને અભૂતપૂર્વ છે. વર્ષોની મહેનત આજે સફળતામાં બદલાઈ છે અને આ જીતનો સંપૂર્ણ શ્રેય પાર્ટીના કાર્યકરો અને તેમના પરિવારોને જાય છે.

ઉત્તરાખંડ, ઉત્તર પ્રદેશ, બિહાર અને હવે પશ્ચિમ બંગાળમાં ભાજપ/એનડીએની સરકાર છે. એટલે કે ગંગોત્રીથી ગંગાસાગર સુધી કમળ ખીલ્યું છે.

બંગાળના ભાગ્યમાં નવો અધ્યાય જોડાયો છે, રાજ્ય હવે ભયમુક્ત અને વિકાસ તરફ આગળ વધશે. આ જીત વંદે માતરમના 150મા વર્ષમાં વધુ મહત્વપૂર્ણ છે.

બંગાળમાં મહિલાઓને સુરક્ષાનું વાતાવરણ મળશે, યુવાનોને રોજગાર મળશે, પલાયન અટકશે, પ્રથમ કેબિનેટમાં જ આયુષ્માન યોજનાને લીલી ઝંડી આપવામાં આવશે અને ઘૂસણખોરો સામે કડકમાં કડક કાર્યવાહી થશે.

ડૉ. શ્યામા પ્રસાદ મુખર્જીના આત્માને કેટલી શાંતિ મળી હશે. તેમણે 1951માં જનસંઘની સ્થાપના કરીને દરેક કાર્યકર્તાને સંદેશ આપ્યો કે દેશ માટે જીવવું અને દેશ માટે મરવું. ડૉ. મુખર્જીએ બંગાળને ભારતનો હિસ્સો બનાવી રાખવા માટે મોટી લડાઈ લડી.

આ જીત ભારતના લોકતંત્ર, સંવિધાન અને જનતાના વિશ્વાસની જીત છે. ભાજપનો મંત્ર ‘નાગરિક દેવો ભવ’ છે અને પાર્ટી જનતાની સેવા માટે પ્રતિબદ્ધ છે.