આજે, 12 જાન્યુઆરીના રોજ શેરબજારમાં ઉછાળો જોવા મળ્યો. સેન્સેક્સ 302 પોઈન્ટ વધીને 83,878 પર બંધ થયો. નિફ્ટી પણ 107 પોઈન્ટ વધીને 25,790 પર બંધ થયો.

સેન્સેક્સના 30 શેરમાંથી 24 શેર વધ્યા હતા. એનર્જી, મેટલ અને બેંકિંગ શેરો વધ્યા હતા, જ્યારે રિયલ્ટી, ઓટો, મીડિયા અને ફાર્માસ્યુટિકલ શેરોમાં ઘટાડો થયો હતો.

ગ્લોબલ માર્કેટમાં તેજી

• એશિયન બજારોમાં કોરિયાનો કોસ્પી 1.03% વધીને 4,633 પર કારોબાર કરી રહ્યો છે, જાપાનનો નિક્કેઈ ઇન્ડેક્સ આજે બંધ છે.
• હોંગકોંગનો હેંગસેંગ ઇન્ડેક્સ 0.68% વધીને 26,410 પર અને ચીનનો શાંઘાઈ કમ્પોઝિટ ઇન્ડેક્સ 0.75% વધીને 4,151 પર કારોબાર કરી રહ્યો છે.
• 9 જાન્યુઆરીએ અમેરિકાનો ડાઉ જોન્સ 0.48% વધીને 49,504 પર બંધ થયો. જ્યારે, નાસ્ડેક કમ્પોઝિટ 0.81% વધ્યો. S&P 500 માં 0.65%ની તેજી રહી.

મેઇનલાઇન સેગમેન્ટમાં ‘ભારત કોકિંગ કોલ’ (BCCL)ના IPOમાં અરજી કરવાનો આજે બીજો દિવસ છે. કંપનીએ તેનો પ્રાઇસ બેન્ડ ₹21 થી ₹23 પ્રતિ શેર નક્કી કર્યો છે. રોકાણકારો ઓછામાં ઓછા 600 શેરના એક લોટ માટે બોલી લગાવી શકે છે, જેના માટે ઉપલા સ્તરે ₹13,800નું રોકાણ કરવું પડશે. આ ઇશ્યૂ 13 જાન્યુઆરી સુધી ખુલ્લો રહેશે.

ભારતીય શેરબજારમાં સપ્તાહના છેલ્લા કારોબારી દિવસે એટલે કે શુક્રવાર 9 જાન્યુઆરીના રોજ ઘટાડો જોવા મળ્યો. સેન્સેક્સ 605 અંક અથવા 0.72%ના ઘટાડા સાથે 83,5576ના સ્તર પર બંધ થયો. નિફ્ટીમાં પણ 193 અંક (0.75%)નો ઘટાડો જોવા મળ્યો. તે 25,683ના સ્તરે બંધ થયો.