30 ડિસેમ્બરે શેરબજારમાં ફ્લેટ કારોબાર રહ્યો. સેન્સેક્સ 20 પોઈન્ટ ઘટીને 84,675 પર બંધ થયો છે. નિફ્ટીમાં 3 પોઈન્ટનો નજીવો ઘટાડો રહ્યો, તે 25,938 પર બંધ થયો છે.

સેન્સેક્સના 30 શેરોમાંથી 17માં ઘટાડો રહ્યો. નિફ્ટીના 50માંથી 28 શેરો નીચે બંધ થયા છે. NSEના ઓટો, મેટલ અને બેન્કિંગ સેક્ટોરલ ઇન્ડેક્સમાં તેજી રહી. જ્યારે મીડિયા, રિયલ્ટી સેક્ટરમાં વેચવાલી જોવા મળી છે.

• એશિયન બજારોમાં કોરિયાનો કોસ્પી ફ્લેટ 4,220 પર અને જાપાનનો નિક્કેઈ ઇન્ડેક્સ 0.19% નીચે 50,430 પર કારોબાર કરી રહ્યો છે.
• હોંગકોંગનો હેંગસેંગ ઇન્ડેક્સ 0.26% ઉપર 25,701 પર અને ચીનનો શાંઘાઈ કમ્પોઝિટ ઇન્ડેક્સ 0.027% ઘટીને 3,964 પર કારોબાર કરી રહ્યો છે.
• 29 ડિસેમ્બરે અમેરિકાનો ડાઉ જોન્સ 0.51% ઘટીને 48,462 પર બંધ થયો હતો. જ્યારે, નાસ્ડેક કમ્પોઝિટમાં 0.50% અને S&P 500માં 0.35%નો ઘટાડો રહ્યો.
• 29 ડિસેમ્બરે વિદેશી રોકાણકારો (FIIs) એ 2,759.89 કરોડના શેર વેચ્યા અને સ્થાનિક રોકાણકારો (DIIs) એ 2,643.85 કરોડ રૂપિયાના શેર ખરીદ્યા.
• ડિસેમ્બરમાં 29 તારીખ સુધી FIIs એ કુલ ₹26,908.22 કરોડના શેર વેચ્યા. આ સમયગાળા દરમિયાન બજારને સંભાળી રહેલા DIIs એ ₹66,700.46 કરોડના શેર ખરીદ્યા છે.
• નવેમ્બર મહિનામાં FIIs એ કુલ ₹17,500.31 કરોડના શેર વેચ્યા. જ્યારે, DIIs એ ₹77,083.78 કરોડની ખરીદી કરી. એટલે કે, બજારને સ્થાનિક રોકાણકારોનો ટેકો છે.

અઠવાડિયાના પહેલા કારોબારી દિવસે આજે એટલે કે સોમવાર, 29 ડિસેમ્બરે સેન્સેક્સ 345 પોઈન્ટ ઘટીને 84,695 પર બંધ થયો છે. નિફ્ટીમાં 100 પોઈન્ટનો ઘટાડો રહ્યો, તે 25,942 પર બંધ થયો છે.

સેન્સેક્સના 30 શેરોમાંથી 18માં ઘટાડો જોવા મળ્યો. નિફ્ટીના 50 શેરોમાંથી 33 શેર ઘટાડામાં રહ્યા. ઓટો, IT, ફાર્મા અને રિયલ્ટી શેરોમાં ઘટાડો રહ્યો, જ્યારે એકલા મીડિયા સેક્ટરમાં તેજી જોવા મળી છે.