સપ્તાહના ત્રીજા કારોબારી દિવસે, 8 ઓક્ટોબરે શેરબજારમાં ઘટાડો જોવા મળ્યો. સેન્સેક્સ 153 પોઈન્ટ ઘટીને 81,773 પર બંધ થયો. નિફ્ટી પણ 62 પોઈન્ટ ઘટીને 25,046 પર બંધ થયો. સેન્સેક્સના 30 શેરમાંથી 21 શેર ઘટ્યા અને 9 શેરમાં તેજી રહી.

ટાઇટનના શેર 4%થી વધુની તેજી રહી. ઇન્ફોસિસ, ટીસીએસ, એચસીએલ ટેક અને ટેક મહિન્દ્રાના શેરમાં પણ 2% સુધીનો વધારો થયો. ટાટા મોટર્સ, એમ એન્ડ એમ અને જિયો ફાઇનાન્સના શેર ઘટ્યા. નિફ્ટીના 50 શેરોમાંથી 36 શેર ઘટ્યા. NSEના ઓટો, મીડિયા, બેંકિંગ અને રિયલ્ટી સેક્ટરમાં ઘટાડો થયો. આઈટી ઇન્ડેક્સ એકમાત્ર એવો ઇન્ડેક્સ હતો જેમાં વધારો થયો.

• એશિયન બજારોમાં, જાપાનનો નિક્કી 0.030% વધીને 47,965 પર અને હોંગકોંગનો હેંગ સેંગ ઇન્ડેક્સ 1.06% ઘટીને 26,673 પર ટ્રેડ કરી રહ્યો છે.
• કોરિયાનું કોસ્પી રાષ્ટ્રીય રજાના કારણે બંધ છે, જ્યારે શાંઘાઈ કમ્પોઝિટ ચીનમાં મીડ ઓટમ ફેસ્ટિવલનાં કારણે 8 ઓક્ટોબર સુધી બંધ રહેશે.
• 7 ઓક્ટોબરના રોજ યુએસ ડાઉ જોન્સ 0.20% ઘટીને 46,602 પર બંધ થયો. નાસ્ડેક કમ્પોઝિટ 0.67% અને S&P 500 0.38% ઘટ્યો.

નાણાકીય સેવાઓ જૂથ બજાજ ફિનસર્વે તેની વીમા કંપનીઓનું નામ બદલીને બજાજ જનરલ ઇન્શ્યોરન્સ અને બજાજ લાઇફ ઇન્શ્યોરન્સ રાખ્યું છે, જેનાથી આ સાહસોમાં બજાજ ગ્રુપની માલિકી 74% થી વધારીને 100% થઈ ગઈ છે. આ સાથે, બજાજ ગ્રુપે તેનો વીમા વ્યવસાય “100% બજાજ” બનાવ્યો છે.

• 7 ઓક્ટોબરના રોજ, વિદેશી રોકાણકારો (FII) એ રોકડ સેગમેન્ટમાં રૂ. 1,440.66 કરોડની ચોખ્ખી ખરીદી કરી હતી અને સ્થાનિક રોકાણકારો (DII) એ રૂ. 452.57 કરોડની ચોખ્ખી ખરીદી કરી હતી.
• સપ્ટેમ્બરમાં વિદેશી રોકાણકારોએ ₹35,301.36 કરોડના શેર વેચ્યા હતા, જ્યારે સ્થાનિક રોકાણકારોએ ₹65,343.59 કરોડની ચોખ્ખી ખરીદી કરી હતી.
• ઓગસ્ટમાં વિદેશી રોકાણકારોએ ₹46,902.92 કરોડના શેર વેચ્યા હતા, જ્યારે સ્થાનિક રોકાણકારોએ ₹94,828.55 કરોડની ચોખ્ખી ખરીદી કરી હતી.

દક્ષિણ કોરિયન કંપની LG ના ભારતીય એકમ, LG ઇલેક્ટ્રોનિક્સ ઇન્ડિયા લિમિટેડનો પ્રારંભિક જાહેર ઓફર (IPO) 7 ઓક્ટોબરના રોજ ખુલશે. હાલના રોકાણકારો આ ઇશ્યૂમાં 101.8 મિલિયન શેર વેચી રહ્યા છે, જેનું મૂલ્ય ₹15,000 કરોડ છે. આ કંપનીમાં 15% હિસ્સો દર્શાવે છે.