ગુજરાતના મોટાભાગના વિસ્તારોમાં ભારેથી અતિભારે વરસાદ વરસ્યો છે, ત્યારે રાજ્યમાં આજે શનિવારે (6 સપ્ટેમ્બર) 209 તાલુકામાં વરસાદ ખાબક્યો ચે. જેમાં સૌથી વધુ વલસાડના કપરાડામાં 7.17 ઇંચ વરસાદ થયો છે. જુઓ ક્યાં-કેટલો વરસાદ વરસ્યો. 

રાજ્યમાં આજે શનિવારે સવારના 6 વાગ્યાથી સાંજે 6 વાગ્યા સુધીમાં 209 તાલુકામાં વરસાદ વરસ્યો છે. જેમાં બોટાદ, સાબરકાંઠાના પોશીના,  તલોદ, રાજકોટ, અમદાવાદના સાણંદ તાલુકામાં 3-3 ઇંચ વરસાદ ખાબક્યો છે. 

સાબરકાંઠાના પ્રાંતિજ, અરવલ્લીના બાયડ, ભીલોડા, મોડાસા, વલસાડના ધરમપુર અને ઉમરગામ, બનાસકાંઠાના દાંતા, પાલનપુર, મહેસાણાના કડી, અમદાવાદના દસ્ક્રોઈ, રાજકોટના ધોરાજી, પાટણ, જામનગરના કાલાવાડ, કચ્છના રાપર સહિત 42 તાલુકામાં 1 ઇંચથી વધુ વરસાદ નોંધાયો છે