GSTમાં ફેરફારની જાહેરાત પછી, ગુરુવાર, 4 સપ્ટેમ્બરના રોજ શેરબજારમાં ઉછાળો આવ્યો. સેન્સેક્સ 150 પોઈન્ટ વધીને 80,718 પર બંધ થયો. નિફ્ટી પણ 25 પોઈન્ટ વધીને 24,734 પર બંધ થયો.

આજે બજારમાં ઓટો અને FMCG શેરોમાં વધારો જોવા મળી રહ્યો છે. નિફ્ટી ઓટો ઇન્ડેક્સ 1%થી વધુ ઉપર ટ્રેડ કરી રહ્યો છે. જ્યારે એનર્જી અને IT શેરોમાં ઘટાડો જોવા મળી રહ્યો છે.

• એશિયન બજારોમાં, જાપાનનો નિક્કેઈ 1.23% વધીને 42,456 પર અને કોરિયાનો કોસ્પી 0.40% વધીને 3,197 પર છે.
• હોંગકોંગનો હેંગ સેંગ ઇન્ડેક્સ 1.20% ઘટીને 25,038 પર અને ચીનનો શાંઘાઈ કમ્પોઝિટ 1.97% ઘટીને 3,738 પર છે.
• 3 સપ્ટેમ્બરના રોજ, અમેરિકાનો ડાઉ જોન્સ 0.054% ઘટીને 45,271 પર બંધ થયો. નેસ્ડેક કમ્પોઝિટ 1.02% અને S&P 500માં 0.51% વધ્યો.
• 3 સપ્ટેમ્બરના રોજ, વિદેશી રોકાણકારો (FII) એ રોકડ સેગમેન્ટમાં રૂ. 1,721.82 કરોડના શેર વેચ્યા હતા. તેમજ, સ્થાનિક રોકાણકારો (DII) એ રૂ. 2,679.86 કરોડની નેટ ખરીદી કરી હતી.
• ઓગસ્ટ મહિનામાં, વિદેશી રોકાણકારોએ ₹46,902.92 કરોડના શેર વેચ્યા હતા. આ દરમિયાન સ્થાનિક રોકાણકારોએ ₹94,828.55 કરોડની નેટ ખરીદી કરી હતી.

બુધવાર, 3 સપ્ટેમ્બરના રોજ શેરબજારમાં તેજી જોવા મળી હતી. સેન્સેક્સ 410 પોઈન્ટ વધીને 80,568 પર બંધ થયો હતો. નિફ્ટી પણ 135 પોઈન્ટ વધીને 24,715 પર બંધ થયો હતો.

સેન્સેક્સના 30 શેરમાંથી 22 શેરો વધ્યા અને 8 શેરો ઘટ્યા. ટાટા સ્ટીલ 5.87% વધીને બંધ થયો. ટાઇટન, મહિન્દ્રા અને ઝોમેટો સહિત 10 શેરો 1% થી વધુ વધ્યા.