સપ્તાહના ત્રીજા ટ્રેડિંગ દિવસે, બુધવાર (20 ઓગસ્ટ)ના રોજ, સેન્સેક્સ 213 પોઈન્ટ વધીને 81,858 પર બંધ થયો. નિફ્ટી પણ 70 પોઈન્ટ વધીને 25,051 પર બંધ થયો.

સેન્સેક્સના 30 શેરમાંથી 15 શેરો વધીને બંધ થયા. ઇન્ફોસિસ, TCS, HUL અને NTPCના શેરમાં 4% સુધીની તેજી રહી. ભારત ઇલેક્ટ્રોનિક્સ લિમિટેડ, બજાજ ફાઇનાન્સ અને ટાટા મોટર્સના શેરમાં 2% સુધીનો ઘટાડો રહ્યો.

નિફ્ટીના 50 શેરમાંથી 28 શેરમાં તેજી અને 22 શેર ઘટ્યા. NSEના IT ઇન્ડેક્સમાં 2.69%, FMCGમાં 1.39% અને રિયલ્ટી માં 1.06%નો વધારો થયો. મીડિયા, બેંકિંગ અને હેલ્થકેર ઇન્ડેક્સમાં ઘટાડો થયો.

કોર્ન મિલિંગ કંપની રીગલ રિસોર્સિસના શેર બજારમાં સારી એન્ટ્રી કરી છે. તે રૂ. 141 પર લિસ્ટેડ થયું હતું, જે તેના ઇશ્યૂ ભાવથી 38% વધારે છે. કંપનીના આ ઇશ્યૂનો પ્રાઇસ બેન્ડ ₹ 96 – ₹ 102 હતો. આ ઇશ્યૂ દ્વારા, કંપની રૂ. 1,456.62 કરોડ એકત્ર કરવા માંગે છે.

રીગલ રિસોર્સિસનો શેર નેશનલ સ્ટોક એક્સચેન્જ (NSE) પર રૂ. 141 પર લિસ્ટ થયો હતો, જે તેના ઇશ્યૂ ભાવથી 38.24% વધુ હતો. બોમ્બે સ્ટોક એક્સચેન્જ (BSE) પર, તે રૂ. 141.80 પર લિસ્ટ થયો હતો, જે તેના ઇશ્યૂ ભાવથી 39% વધુ હતો.

હાલમાં, શેરબજારમાં મેઈનબોર્ડ સેગમેન્ટના કુલ 5 પબ્લિક ઈશ્યુ અથવા IPO ખુલ્લા છે. આ 5 કંપનીઓ IPO દ્વારા રૂ. 3,585 કરોડ એકત્ર કરશે. આમાંથી 4 IPO આવતીકાલથી એટલે કે 19 ઓગસ્ટથી શરૂ થશે. તમે 21 ઓગસ્ટ સુધી આમાં બોલી લગાવી શકો છો. આ 4 કંપનીઓ IPO દ્વારા રૂ. 3,185 કરોડ એકત્ર કરવાનો પ્લાન છે.

મંગલ ઇલેક્ટ્રિકલ ઇન્ડસ્ટ્રીઝ પ્રાઇવેટ લિમિટેડનો IPO આજે (20 ઓગસ્ટ) ખુલ્યો છે અને 22 ઓગસ્ટના રોજ બંધ થશે. મંગલ ઇલેક્ટ્રિકલ આ ઇશ્યૂમાંથી રૂ. 400 કરોડ એકત્ર કરશે. કંપનીના IPO માટે પ્રાઇસ બેન્ડ ₹533-₹561 છે અને લોટ સાઈઝ 26 શેર છે. આ કંપનીની સ્થાપના 2008માં થઈ હતી.

• એશિયન બજારોમાં, જાપાનનો નિક્કેઈ 1.52% ઘટીને 42,883 પર અને કોરિયાનો કોસ્પી 1.86% ઘટીને 3,092 પર કારોબાર કરી રહ્યો હછે.
• હોંગકોંગનો હેંગ સેંગ ઇન્ડેક્સ 0.42% ઘટીને 25,016 પર અને ચીનનો શાંઘાઈ કમ્પોઝિટ 0.056% ઘટીને 3,725 પર બંધ રહ્યો હતો.
• 19 ઓગસ્ટના રોજ, અમેરિકાનો ડાઉ જોન્સ 1.023% વધીને 44,922 પર બંધ થયો. આ દરમિયાન, નાસ્ડેક કમ્પોઝિટ 1.46% વધીને 21,315 પર અને S&P 500 0.59% ઘટીને 6,411 પર બંધ થયો.
• 19 ઓગસ્ટના રોજ, વિદેશી રોકાણકારો (FII) એ રોકડ સેગમેન્ટમાં રૂ. 634.26 કરોડની નેટ ખરીદી કરી હતી અને સ્થાનિક રોકાણકારો (DII) એ રૂ. 2,261.06 કરોડની નેટ ખરીદી કરી હતી.
• ઓગસ્ટ મહિનામાં અત્યાર સુધીમાં, વિદેશી રોકાણકારોએ ₹24,274.92 કરોડના શેર વેચ્યા છે. આ દરમિયાન સ્થાનિક રોકાણકારોએ ₹62,160.15 કરોડની નેટ ખરીદી કરી છે.
• જુલાઈ મહિનામાં, વિદેશી રોકાણકારોએ કુલ રૂ. 47,666.68 કરોડના શેર વેચ્યા હતા. તે જ સમયે, સ્થાનિક રોકાણકારોએ પણ મહિનામાં રૂ. 60,939.16 કરોડની નેટ ખરીદી કરી હતી.

અઠવાડિયાના બીજા ટ્રેડિંગ દિવસે, એટલે કે મંગળવાર, 19 ઓગસ્ટના રોજ, સેન્સેક્સ 370 પોઈન્ટ વધીને 81,644 પર બંધ થયો. નિફ્ટી 103 પોઈન્ટ વધીને 24,980 પર બંધ થયો.

સેન્સેક્સના 30 શેરોમાંથી 19 શેરમાં તેજી અને 11 શેર ઘટ્યા. ઓટો, આઈટી અને બેંકિંગ શેરોમાં મોટો ઉછાળો જોવા મળ્યો. જ્યારે ઊર્જા અને ફાર્મા શેરોમાં ઘટાડો જોવા મળ્યો હતો.