આજે દિવસના બીજા ટ્રેડિંગ દિવસે એટલે કે મંગળવાર, 27 મે ના રોજ, સેન્સેક્સ 624.82 પોઈન્ટ ઘટીને 81,551.63 પર બંધ થયો. નિફ્ટીમાં પણ 174.95 પોઈન્ટનો ઘટાડો થયો. તે 24,826.20ના સ્તરે બંધ થયો.

સેન્સેક્સના 30 શેરોમાંથી 5 શેરમાં તેજી અને 25 શેર ઘટ્યા. અલ્ટ્રાટેક સિમેન્ટનો શેર સૌથી વધુ 2.21% ઘટ્યો. ITC, ટાટા મોટર્સ, NTPC સહિત કુલ 10 શેર 1%થી વધુ ઘટ્યા હતા. ઇન્ડસઇન્ડ બેંક 2.6%ની તેજી રહી.

નિફ્ટીના 50 શેરોમાંથી 40 શેરોમાં ઘટાડો થયો હતો જ્યારે 10 શેરોમાં તેજી રહી. NSEના ઓટો, IT અને FMCG ઈન્ડેક્સ લગભગ 1% ઘટ્યા. ફાર્મા, રિયલ્ટી અને પીએસયુ બેંક સેક્ટરમાં સામાન્ય તેજી રહી.

જિયોજિત ફાઇનાન્શિયલ સર્વિસીસના ચીફ ઇન્વેસ્ટમેન્ટ સ્ટ્રેટેજિસ્ટ ડૉ. વીકે વિજયકુમારે જણાવ્યું હતું કે બજાર હવે કોન્સોલિડેશના તબક્કામાં એન્ટ્રી કરી શકે છે. હાઈ વેલ્યુએશન પર વેચાણમાં વધારો થઈ રહ્યો છે. મ્યુચ્યુઅલ ફંડ પાસે પૂરતી રોકડ હોવાથી, કોઈપણ ઘટાડા પર ખરીદીની શક્યતા પણ છે.

• એશિયન બજારોમાં, જાપાનનો નિક્કેઈ લગભગ 100 પોઈન્ટ ઘટીને 37,440 પર અને કોરિયાનો કોસ્પી 13 પોઈન્ટ ઘટીને 2,631 પર ટ્રેડ થઈ રહ્યો છે.
• હોંગકોંગનો હેંગ સેંગ ઇન્ડેક્સ 73 પોઈન્ટ (0.31%) ઘટીને 23,209 પર અને ચીનનો શાંઘાઈ કમ્પોઝિટ 11 પોઈન્ટ ઘટીને 3,335 પર કારોબાર કરી રહ્યો છે.
• 23 મેના રોજ, યુએસ ડાઉ જોન્સ 256 પોઈન્ટ ઘટીને 41,603 પર બંધ થયો, નાસ્ડેક કમ્પોઝિટ 188 પોઈન્ટ (1%) ઘટીને 18,737પર, અને S&P 500 પણ 39 પોઈન્ટ (0.67%) ઘટીને 5,802 પર બંધ થયો.
• 26 મેના રોજ, વિદેશી રોકાણકારો (FII) એ રોકડ સેગમેન્ટમાં રૂ. 135.98 કરોડના શેર ખરીદ્યા હતા અને સ્થાનિક રોકાણકારો (DII) એ રૂ. 1,745.72 કરોડના શેર ખરીદ્યા હતા.
• મે મહિનામાં અત્યાર સુધીમાં, વિદેશી રોકાણકારોએ રોકડ સેગમેન્ટમાં રૂ. 12,327.59 કરોડની નેટ ખરીદી કરી છે અને સ્થાનિક રોકાણકારોએ રૂ. 36,243.28 કરોડની નેટ ખરીદી કરી છે.
• એપ્રિલમાં વિદેશી રોકાણકારો દ્વારા નેટ ખરીદી રૂ. 2,735.02 કરોડ રહી હતી. સ્થાનિક રોકાણકારોએ પણ મહિના દરમિયાન ₹28,228.45 કરોડની નેટ ખરીદી કરી હતી.

ભારતીય લક્ઝરી હોટેલ ચેઇન ‘ધ લીલા’ ની પેરેન્ટ કંપની, સ્ક્લોસ બેંગ્લોર લિમિટેડનો IPO આજે એટલે કે 26 મે ના રોજ સબ્સ્ક્રિપ્શન માટે ખુલ્યો છે. રિટેલ રોકાણકારો આ માટે 28 મે 2025 સુધી બોલી લગાવી શકે છે. કંપની આ ઇશ્યૂ દ્વારા રૂ. 3,500 એકત્ર કરવા માંગે છે.

આ IPOમાં, કંપની રૂ. 2,500 કરોડના 5.75 કરોડ નવા શેર જાહેર કરશે. 1,000 કરોડ રૂપિયાના 2.30 કરોડ શેર વેચાણ માટે ઓફર કરવામાં આવશે.

સપ્તાહના પહેલા ટ્રેડિંગ દિવસે એટલે કે સોમવાર, 26 મે ના રોજ શેરબજારમાં તેજી જોવા મળી હતી. સેન્સેક્સ 455 પોઈન્ટના વધારા સાથે 82,176 પર બંધ થયો હતો. નિફ્ટી પણ 148 પોઈન્ટ વધીને 25,001 પર બંધ થયો હતો.

સેન્સેક્સના 30 શેરોમાંથી 22 શેરો વધ્યા અને 8 શેરો ઘટ્યા. મહિન્દ્રા, HCL ટેક, ટાટા મોટર્સ સહિત કુલ 9 શેર 2.17% વધીને બંધ થયા. ઇટરનલ એટલે કે ઝોમેટોના શેરમાં 4.55%નો ઘટાડો થયો.

નિફ્ટીના 50 શેરોમાંથી 38 શેરો વધ્યા અને 12 શેરો ઘટ્યા. NSEના બધા સેક્ટર વધીને બંધ થયા. ઓટો ઇન્ડેક્સમાં 1.05%, મેટલમાં 0.94%, આઇટીમાં 1.02% અને રિયલ્ટીમાં 0.76%ની તેજી રહી હતી.