ભારત અને પાકિસ્તાન વચ્ચે યુદ્ધવિરામની જાહેરાત બાદ સોમવાર, 12 મેના રોજ, સેન્સેક્સ 2975 પોઈન્ટ (3.74%) વધીને 82,430 પર બંધ થયો. આ વર્ષનો સેન્સેક્સનો સૌથી મોટો ઉછાળો છે. અગાઉ, 15 એપ્રિલે સેન્સેક્સ 1,577પોઈન્ટ અથવા 2.10% વધ્યો હતો.

સેન્સેક્સના 30 માંથી 28 શેરોમાં તેજી જોવા મળી. ઇન્ફોસિસના શેર 7.67%, HCL ટેકના શેર 5.97%, ટાટા સ્ટીલના શેર 5.64%, ઝોમેટોના શેર 5.51%, ટીસીએસના શેર 5.42% અને ટેક મહિન્દ્રાના શેર 5.36% વધ્યા હતા.

નિફ્ટી પણ 917 પોઈન્ટ (3.82%) વધીને 24,925 પર બંધ થયો. NSEના IT ઇન્ડેક્સમાં 6.70%, રિયલ્ટીમાં 5.93%, મેટલમાં 5.86%, ફાઇનાન્શિયલ સર્વિસીસમાં 4.21% અને ઓટોમાં 3.41%ની તેજી રહી. તેમજ, FMCG, મીડિયા અને બેંકિંગ શેર 3%થી વધુની તેજી સાથે બંધ થયા.

• NSE ઇન્ટરનેશનલ એક્સચેન્જ પર ટ્રેડ થતો નિફ્ટી લગભગ 750 પોઈન્ટ (3.10%) વધીને 24,800 પર છે.
• BSEના સ્મોલ કેપ ઇન્ડેક્સ 1,678 પોઈન્ટ (3.59%) વધીને 48,420 પર કારોબાર કરી રહ્યો છે.
• મિડ-કેપ ઇન્ડેક્સ 1,175 પોઈન્ટ (2.79%)ની તેજી છે, એ 43,287ના સ્તરે કારોબાર કરી રહ્યો છે.

• યુદ્ધવિરામ બાદ ભારત અને પાકિસ્તાન વચ્ચે તણાવ ઘટ્યો છે. આ બાબતને લગતા તમામ ડેવલપમેન્ટ પર રોકાણકારોની નજર રહેશે.
• એપ્રિલ મહિનાના રિટેલ મોંઘવારીના આંકડા 13 મેના રોજ જાહેર કરવામાં આવશે. એપ્રિલમાં ફુગાવો 3%થી નીચે રહેવાની ધારણા છે.
• MRF, PNB બેંક, હિન્દુસ્તાન પેટ્રોલિયમ, અદાણી પોર્ટ્સ અને અદાણી એન્ટરપ્રાઇઝ સહિત ઘણી કંપનીઓના ત્રિમાસિક પરિણામો અપેક્ષા કરતાં સારાં રહ્યાં.
• ગયા અઠવાડિયે વિદેશી સંસ્થાકીય રોકાણકારો (FII)એ ખરીદીનો દોર ચાલુ રાખ્યો અને આ સેગમેન્ટમાં લગભગ રૂ. 5,087 કરોડની ખરીદી કરી.

• એશિયન બજારોમાં જાપાનનો નિક્કેઈમાં સામાન્ય તેજી છે. એ 37,520ના સ્તરે ટ્રેડ થઈ રહ્યો છે. કોરિયાનો કોસ્પી 0.41% વધીને 2,588 પર બંધ રહ્યો હતો.
• હોંગકોંગનો હેંગ સેંગ ઇન્ડેક્સ 156 પોઈન્ટ (0.68%) વધીને 23,024 પર ટ્રેડ થઈ રહ્યો છે તેમજ ચીનનો શાંઘાઈ કમ્પોઝિટ થોડો ઘટાડો થયા પછી 3,355 પર બંધ થયો.
• 9 મેના રોજ યુએસ ડાઉ જોન્સ 119 પોઈન્ટ (0.29%) ઘટીને 41,250 પર બંધ થયો. નેસ્ડેક કમ્પોઝિટ 17,929ના સ્તર પર નજીવો વધારો સાથે બંધ થયો. S&P 500 ઇન્ડેક્સ પણ નજીવો ઘટાડો થયો અને 5,660 પર બંધ થયો.

ભારતીય બજારમાં વિદેશી રોકાણકારો (FII) દ્વારા ખરીદી ચાલુ છે. 8 મેના રોજ વિદેશી રોકાણકારોએ 2,007.96 કરોડ રૂપિયાના શેર ખરીદ્યા હતા. જ્યારે સ્થાનિક રોકાણકારોએ આ દરમિયાન રૂ. 596.25 કરોડના શેર વેચ્યા હતા.

એપ્રિલમાં વિદેશી રોકાણકારો દ્વારા નેટ ખરીદી રૂ. 2,735.02 કરોડ રહી હતી. સ્થાનિક રોકાણકારોએ પણ મહિના દરમિયાન રૂ. 28,228.45 કરોડની નેટ ખરીદી કરી હતી.