ડોમેસ્ટિક એડટેક કંપની ફિઝિક્સવાલા (PW) એ ઈનિશિયલ પબ્લિક ઓફર (IPO) માટે સિક્યોરિટીઝ માર્કેટ રેગ્યુલેટર SEBI સમક્ષ તેનું ડ્રાફ્ટ રેડ હેરિંગ પ્રોસ્પેક્ટસ (DRHP) પ્રી-ફાઇલ કર્યું છે.

એડટેક ફર્મ આ IPO દ્વારા રૂ. 4,600 કરોડ એકત્ર કરવા માંગે છે. આ IPO હાલના રોકાણકારો તરફથી નવા ઇશ્યૂ અને ઓફર ફોર સેલ (OFS)નું મિશ્રીત હશે. ટ્રેક્સનના લેટેસ્ટના ડેટા મુજબ, PW ની વર્તમાન વેલ્યુએશન આશરે ₹32,000 કરોડ છે.

અગાઉ, PWએ બે રાઉન્ડમાં કુલ રૂ. 2,700 કરોડ એકત્ર કર્યા છે. પહેલો રાઉન્ડ જૂન 2022માં લગભગ 882 કરોડ રૂપિયામાં થયો હતો. બીજા રાઉન્ડમાં, કંપનીએ સપ્ટેમ્બર 2024 માં 24,224 કરોડ રૂપિયાની વેલ્યુએશન પર 1,817 કરોડ રૂપિયા એકત્ર કર્યા હતા.

ટ્રેક્સનના ડેટા અનુસાર, ફિઝિક્સવાલામાં કુલ 8 ઈન્સ્ટીટ્યુશનલ ઈન્વેસ્ટર છે જેમાં વેસ્ટબ્રિજ કેપિટલ, હોર્નબિલ કેપિટલ અને લાઇટસ્પીડ વેન્ચર પાર્ટનર્સનો સમાવેશ થાય છે. આમાંથી, વેસ્ટબ્રિજ કેપિટલ સૌથી મોટું રોકાણકાર છે. રજત પાંડે પીડબ્લ્યુના એકમાત્ર એન્જલ ઈન્વેસ્ટર છે.

લેટેસ્ટ શેર પેટર્ન મુજબ, ફિઝિક્સવાલાના ફાઉન્ડર અલખ પાંડે અને પ્રતીક મહેશ્વરી કંપનીમાં 77.40% હિસ્સો ધરાવે છે. આ ફંડ્સ 20.47% શેર ધરાવે છે.

જાન્યુઆરી 2025 સુધીમાં, ફિઝિક્સવાલામાં 11,321 કર્મચારીઓ હતા. આ જાન્યુઆરી 2024 કરતા 36.9% ઓછા છે. ફિઝિક્સવાલાએ 2023માં ઝાઈલેમ લર્નિંગ અને નોલેજ પ્લેનેટ સહિત 6 એજ્યુકેશન પ્લેટફોર્મ હસ્તગત કર્યા છે.

સેબીએ નવેમ્બર 2022થી કોન્ફિડેન્શિયલ ફાઇલિંગ શરૂ કર્યું છે. આમાં, કંપનીઓ બજારમાં લિસ્ટેડ થવા માટે તેમના IPO દસ્તાવેજો ખાનગી રીતે સબમિટ કરી શકે છે.

ફાઇલિંગનું આ ફોર્મેટ કંપનીની સંવેદનશીલ માહિતીને તેના સ્પર્ધકોથી સુરક્ષિત રાખે છે જ્યાં સુધી તે જાહેરમાં તેની લિસ્ટિંગની જાહેરાત ન કરે.

PW પહેલા, તે ટાટા પ્લે, ઓયો, સ્વિગી, વિશાલ મેગા માર્ટ, ક્રેડિલા ફાઇનાન્શિયલ સર્વિસીસ અને ઇન્દિરા IVF પછી સાતમી કંપની છે જેણે તેના શેરોને સ્ટોક એક્સચેન્જ પર લિસ્ટ બનાવવા માટે કોન્ફિડેન્શિયલ પ્રી-ફાઇલિંગ માર્ગ અપનાવ્યો છે.

પ્રયાગરાજના રહેવાસી અલખ પાંડેએ 2016 માં ફિઝિક્સવાલા નામની પોતાની યુટ્યુબ ચેનલ શરૂ કરી હતી. એક વર્ષમાં ફક્ત 4 હજાર સબ્સ્ક્રાઇબર્સ મળ્યા. આ પછી, તેમણે ફિઝિક્સને સરળ અને મનોરંજક રીતે શીખવવાની રીત શોધી કાઢી, જેના પછી અલખ હવે લગભગ 70 લાખ સબ્સ્ક્રાઇબર્સ સાથે યુટ્યુબ પર ખૂબ જ લોકપ્રિય બની ગયા છે.

ફિઝિક્સ વાલા અલખ પાંડે યુટ્યુબ ચેનલ પર, JEE મેન્સ, JEE એડવાન્સ, એન્જિનિયરિંગ તેમજ NEET અને મેડિકલ પ્રવેશ પરીક્ષાઓની તૈયારી કરવામાં આવે છે.

ફિઝિક્સ વાલાના દેશભરના લગભગ 100 શહેરોમાં સેન્ટર્સ અથવા ક્લાસેસ છે. ફિઝિક્સ વાલાની સત્તાવાર વેબસાઇટ અનુસાર, તેમાં 35 લાખથી વધુ વિદ્યાર્થીઓ નોંધાયેલા છે. 78 લાખથી વધુ યુટ્યુબ સબ્સ્ક્રાઇબર્સ જોડાયેલા છે.