આજે એટલે કે 22 જાન્યુઆરીએ શેરબજારમાં વધારો જોવા મળ્યો છે. સેન્સેક્સ 566 પોઈન્ટ વધીને 76,404 પર બંધ થયો. તે જ સમયે, નિફ્ટીમાં પણ 130 પોઈન્ટનો વધારો જોવા મળ્યો અને તે 23,155 પર બંધ થયો.

સેન્સેક્સના 30 શેરોમાંથી 21 શેરો વધ્યા અને 9 શેરોમાં ઘટાડો થયો. આઇટી, એફએમસીજી અને બેંકિંગ શેરોમાં સૌથી વધુ ઉછાળો જોવા મળ્યો. બીજી તરફ, મેટલ અને એનર્જી શેરો પર દબાણ જોવા મળ્યું.

એશિયન માર્કેટમાં જાપાનનો નિક્કી 1.48% અને કોરિયાનો કોસ્પી 0.67% ઉપર છે. જ્યારે ચીનનો શાંઘાઈ કમ્પોઝિટ ઈન્ડેક્સ 0.84% ​​ઘટીને કારોબાર કરી રહ્યો છે.

NSEના ડેટા અનુસાર, 21 જાન્યુઆરીએ વિદેશી રોકાણકારો (FII)એ રૂ. 5,920 કરોડના શેરનું વેચાણ કર્યું હતું. આ સમયગાળા દરમિયાન સ્થાનિક રોકાણકારો (DII)એ રૂ. 3,50 કરોડના શેર ખરીદ્યા હતા.

21 જાન્યુઆરીએ અમેરિકાનો ડાઉ જોન્સ 1.24%ના ઉછાળા સાથે 44,025 પર બંધ થયો હતો. S&P 500 ઇન્ડેક્સ 0.88% વધીને 6,049 પર બંધ થયો. નાસ્ડેક ઇન્ડેક્સ 0.64% વધ્યો.

ડેન્ટા વોટર એન્ડ ઇન્ફ્રા સોલ્યુશન્સ લિમિટેડનો IPO આજે એટલે કે 22 જાન્યુઆરીથી ખુલ્યો છે. રોકાણકારો આ ઈસ્યુમાં 24 જાન્યુઆરી સુધી બિડ કરી શકશે. કંપની 29 જાન્યુઆરીએ BSE અને NSE પર લિસ્ટ થશે. કંપની આ ઈસ્યુ દ્વારા કુલ ₹220.50 કરોડ એકત્ર કરવા માગે છે. જેમાં 75 લાખ નવા શેર જારી કરવામાં આવશે.

આ પહેલા ગઈકાલે એટલે કે 21 જાન્યુઆરીએ શેરબજારમાં ઘટાડો જોવા મળ્યો હતો. સેન્સેક્સ 1,235 પોઇન્ટના ઘટાડા સાથે 75,838 પર બંધ રહ્યો હતો. નિફ્ટીમાં પણ 320 પોઈન્ટનો ઘટાડો જોવા મળ્યો હતો, તે 23,024 પર બંધ રહ્યો હતો.