આજે એટલે કે 15 જાન્યુઆરીએ સેન્સેક્સ 224 પોઈન્ટના ઉછાળા સાથે 76,724 પર બંધ થયો હતો. નિફ્ટી પણ 37 પોઈન્ટ વધીને 23,213ની સપાટીએ બંધ થયો હતો.

સેન્સેક્સના 30 શેરોમાંથી 18માં તેજી અને 12 ઘટ્યા હતા. નિફ્ટીના 50 શેરોમાંથી 27માં તેજી અને 23 ઘટ્યા હતા. જ્યારે એક શેર કોઈપણ ફેરફાર વગર બંધ થયો હતો. NSE સેક્ટોરલ ઇન્ડેક્સમાં, રિયલ્ટી સેક્ટરમાં સૌથી વધુ 1.39%ની તેજી રહી હતી.

એશિયન માર્કેટમાં જાપાનનો નિક્કેઈ 0.077%ની તેજી રહી. કોરિયાના કોસ્પીમાં 0.024%નો ઘટાડો જોવા મળ્યો. ચીનનો શાંઘાઈ કમ્પોઝિટ ઈન્ડેક્સ 0.43%ના ઘટાડા સાથે બંધ થયો.

NSEના ડેટા અનુસાર, 14 જાન્યુઆરીએ વિદેશી રોકાણકારો (FII)એ રૂ. 8,132 કરોડના શેરનું વેચાણ કર્યું હતું. આ દરમિયાન સ્થાનિક રોકાણકારો (DII)એ રૂ. 7,901 કરોડના શેર ખરીદ્યા હતા.

14 જાન્યુઆરીએ અમેરિકાનો ડાઓ જોન્સ 0.52%ના ઉછાળા સાથે 42,518 પર બંધ થયો હતો. S&P 500 ઇન્ડેક્સ 0.11% વધીને 5,842 પર બંધ થયો. જ્યારે નેસ્ડેક ઈન્ડેક્સ 0.23% ઘટ્યો હતો.

સ્ટેલિયન ઇન્ડિયા ફ્લોરોકેમિકલ્સ લિમિટેડનો ​​​​​​​ઈનિશિયલ પબ્લિક ઓફર એટલે કે IPO​​​​​​​ 16 જાન્યુઆરીએ ખુલશે. રોકાણકારો આ ઈસ્યુ માટે 20 જાન્યુઆરી સુધી બિડ કરી શકશે. કંપનીના શેર 23 જાન્યુઆરીએ બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE) પર લિસ્ટ થશે.

અગાઉ ગઈકાલે એટલે કે 14 જાન્યુઆરીએ શેરબજારમાં તેજી જોવા મળી હતી. સેન્સેક્સ 169 પોઈન્ટના વધારા સાથે 76,499 પર બંધ થયો હતો. નિફ્ટીમાં પણ ઉછાળો જોવા મળ્યો હતો, તે 23,176ના સ્તરે બંધ થયો હતો.