શુક્રવારે (20 ડિસેમ્બર) સેન્સેક્સ 1176 પોઈન્ટના ઘટાડા સાથે 78,041 પર બંધ રહ્યો હતો. તે જ સમયે નિફ્ટી પણ 364 પોઇન્ટ ઘટીને 23,587 ના સ્તરે બંધ થયો હતો.

સેન્સેક્સના 30 શેરોમાંથી 20 વધ્યા અને 10 ઘટ્યા. જ્યારે નિફ્ટીના 45 શેરોમાં ઘટાડો જોવા મળ્યો હતો અને માત્ર 5માં વધારો જોવા મળ્યો હતો.

શુક્રવારે NSEના તમામ ક્ષેત્રીય સૂચકાંકોમાં ઘટાડો થયો હતો. સૌથી મોટો ઘટાડો નિફ્ટી રિયલ્ટીમાં 3.84%, નિફ્ટી બેંકમાં 2.58%, નિફ્ટી આઈટીમાં 2.42% અને નિફ્ટી ઓટોમાં 2.07%નો ઘટાડો નોંધાયો હતો.

એશિયન માર્કેટમાં પણ આજે ઘટાડો જોવા મળ્યો હતો. જાપાનનો નિક્કી 0.29%, કોરિયાનો કોસ્પી 1.30% અને ચીનનો શાંઘાઈ કમ્પોઝિટ ઈન્ડેક્સ 0.058% ઘટીને બંધ રહ્યો હતો.

NSE ડેટા અનુસાર, 19 ડિસેમ્બરે વિદેશી રોકાણકારો (FIIs) દ્વારા ચોખ્ખું વેચાણ ₹4,224.92 કરોડ હતું. આ સમયગાળા દરમિયાન, સ્થાનિક રોકાણકારો (DIIs) એ ₹3,943.24 કરોડના શેર ખરીદ્યા હતા.

19 ડિસેમ્બરે અમેરિકાનો ડાઉ જોન્સ 0.036%ના ઉછાળા બાદ 42,342 પર બંધ થયો હતો. S&P 500 ઇન્ડેક્સ 0.087% ઘટીને 5,867 પર અને Nasdaq 0.10% ઘટીને 19,372 પર હતો.

ગઈકાલે શેરબજારમાં લિસ્ટિંગ માટે 5 કંપનીઓની પ્રારંભિક જાહેર ઓફર (IPO) ખોલવામાં આવી હતી. તેમાં ટ્રાન્સરેલ લાઇટિંગ લિમિટેડ, ડીએએમ કેપિટલ એડવાઇઝર્સ લિમિટેડ, મમતા મશીનરી લિમિટેડ, સનાથન ટેક્સટાઇલ લિમિટેડ અને કોનકોર્ડ એન્વિરો સિસ્ટમ્સ લિમિટેડનો સમાવેશ થાય છે.

રોકાણકારો 23 ડિસેમ્બર સુધી તમામ પાંચ IPO માટે બિડ કરી શકશે. તેમના શેર નેશનલ સ્ટોક એક્સચેન્જ (NSE) અને બોમ્બે સ્ટોક એક્સચેન્જ (BSE) પર 27મી ડિસેમ્બરે લિસ્ટ થશે.

અમેરિકાના ફેડરલ રેટમાં ઘટાડા અને વિશ્વભરના બજારોમાં ઘટાડાની અસર ગઈકાલે એટલે કે ગુરુવારે (19 ડિસેમ્બર) ભારતીય શેરબજાર પર પણ જોવા મળી હતી. સેન્સેક્સ 964 પોઇન્ટના ઘટાડા સાથે 79,218 પર બંધ રહ્યો હતો. જ્યારે નિફ્ટી પણ 247 પોઈન્ટ ઘટીને 23,951ની સપાટીએ બંધ રહ્યો હતો.

બેન્ક, મેટલ અને આઈટી શેરોમાં સૌથી વધુ ઘટાડો નોંધાયો હતો. નિફ્ટી બેંક, મેટલ અને આઈટી સૂચકાંકો 1% કરતા વધુ ડાઉન હતા. જો કે, ફાર્મા અને હેલ્થકેર ઇન્ડેક્સ 1.5% થી વધુ વધ્યો.

બજારમાં વેચવાલીથી રોકાણકારોની સંપત્તિમાં રૂ. 2.61 લાખ કરોડનો ઘટાડો થયો છે. 19 ડિસેમ્બરે BSE પર લિસ્ટેડ કંપનીઓનું માર્કેટ કેપ રૂ. 449 લાખ કરોડ હતું. 18 ડિસેમ્બરે તે અંદાજે 452 લાખ કરોડ રૂપિયા હતો.