જેની અંત્યેષ્ટિમાં યુગાન્ડા-કેન્યા બબ્બે રાષ્ટ્રાધ્યક્ષ પરિવારના સભ્યોની હાજરી હતી તેવા મૂળ કચ્છી ઉદ્યોગપતિ હસમુખભાઈ કાનજીભાઈ પટેલ (ભુડિયા)નાં કાર્યોને બિરદાવતો ઠરાવ કેન્યન સંસદમાં પસાર કર્યો હતો. ગત 29/8ના તેઓનું મોમ્બાસા ખાતે હૃદય રોગના હુમલાથી અવસાન થયું હતું. કેન્યા રાષ્ટ્રની સંસદમાં મોમ્બાસા વિસ્તારના સાંસદે ઠરાવ કરતાં કહ્યું કે, હસુભાઈના પિતા સ્વ. કાનજીભાઈ પટેલ કેન્યાના સૌથી મોટા સિમેન્ટ ઉત્પાદકોમાંના એક – મોમ્બાસા સિમેન્ટના સ્થાપક હતા. કેન્યામાં કોરુગેટર્સ શિટ લિ.ના ડિરેક્ટર પણ હતા અને તેમની મુખ્ય ઓફિસ કીલીફી મતવિસ્તારમાં હતી, ટોરોરો સિમેન્ટ, જે યુગાન્ડામાં સ્થિત છે.

હસમુખભાઈના અવસાનથી કેન્યાના લોકોને, ખાસ કરીને દરિયાકાંઠે અને પૂર્વીય પ્રદેશના લોકોને મોટી ખોટ પડી છે, જ્યાં તેમણે એક એવા વ્યવસાયનું સંચાલન કર્યું હતું કે જેઓ તેમના જીવન દરમિયાન કાઉન્ટી અને સમગ્ર દેશમાં યોગદાન આપે છે તે હંમેશાં માટે અમૂલ્ય રહેશે. શ્રી પટેલ એક કુશળ ઉદ્યોગપતિ અને પરોપકારી હતા. તેમના ફાઉન્ડેશન દ્વારા, હસમુખ પટેલે શિષ્યવૃત્તિ સાથે દેશભરના જરૂરિયાતમંદ વિદ્યાર્થીઓને ટેકો આપ્યો; તેમણે અનેક ઉદ્યોગોમાં વિવિધ સખાવતી કાર્યોને પણ પ્રાયોજિત કર્યા છે.

એક પરોપકારી તરીકે, તેઓ પર્યાવરણીય સંરક્ષણ જેમાં સૌથી નોંધપાત્ર એક પહેલ છે જ્યાં તેમણે મોમ્બાસામાં કિબરાની ડમ્પ સાઇટને પાર્કમાં રૂપાંતરિત કરવામાં સમર્થન આપ્યું હતું. તેમણે હેલ્થ કેર ઈન્ફ્રાસ્ટ્રક્ચરમાં સુધારો કરવા અને વંચિત સમુદાયો માટે આરોગ્ય સંભાળની પહોંચને પ્રોત્સાહન આપવા માટે યોગદાન આપીને આરોગ્ય ક્ષેત્રમાં પણ યોગદાન આપ્યું છે, તેમના પ્રયત્નો માટે શ્રી પટેલને 2021માં રાષ્ટ્રીય એવોર્ડ મળ્યો અને કેન્યા ચેમ્બર ઓફ કોમર્સ અને ઇન્ડસ્ટ્રી ડિરેક્ટર તરીકે નિયુક્ત કરવામાં આવ્યા હતા. તેમનું નિધન માત્ર તેમના પરિવારજનો, રહેવાસીઓ અને મોમ્બાસા કાઉન્ટી માટે જ નહીં, પરંતુ સમગ્ર દેશ માટે કાળી ક્ષણ સમાન છે. કેન્યાએ એક દયાળુ લોકસેવક, મહેનતુ નેતા અને કેન્યાના સાચા પુત્રને ગુમાવ્યો છે, જે ખૂબ હિંમત, મક્કમતા અને માનવતામાં માનતા હતા.

કેન્યન લોકો – તેના માટે હસુભાઈએ બધું જ આપવાનો પ્રયાસ કર્યો હતો. દેશના રહેવાસીઓની સુખાકારીને બહેતર બનાવવા માટે તેઓ હંમેશાં કાઉન્ટીના રાષ્ટ્રીય નેતાઓનો સંપર્ક કરતા રહ્યા હતા. શ્રી પટેલના પરિવાર, મોમ્બાસા કાઉન્ટીના સમગ્ર બિરાદરો, તેમના મિત્રો અને સમગ્ર દેશને પિતા સમાન પરિવર્તનશીલ નેતાની ખોટ બદલ હૃદયપૂર્વકની સંવેદના વ્યક્ત કરી હતી. સ્વ. હસમુખના આત્માને શાશ્વત શાંતિ મળે એમ કહેતાં પાર્લામેન્ટે એક મિનિટનું મૌન પાળી શ્રદ્ધાંજલિ આપી તે એક કચ્છી ભારતીય માટે વિરલ ઘટના હતી. આવું માન મેળવનાર હસુભાઈ પ્રથમ ભારતીય બન્યા હતા અને કચ્છી-ગુજરાતીઓના હિજરતી ઇતિહાસનું એક સુવર્ણપૃષ્ઠ આલેખાયું હતું.

કેન્યા સંસદે તેમના પુત્રો ધ્રુવ, કીર્તન, દર્શક અને પત્ની પુષ્પાબેન પ્રત્યે દિલસોજી પાઠવી હતી તેવું મોમ્બાસા સિમેન્ટના ડાયરેક્ટર જીતુભાઈ શાહે ઉમેર્યું હતું. – કચ્છમાં કાયમી સ્મૃતિ : હસુભાઈના વૈશ્વિક સેવા કાર્યો, દાન અને માનવતાની ચિરસ્મૃતિ રૂપે માદરે વતન કચ્છમાં કાયમી સ્મૃતિની સ્થાપના કરાશે તેવું તેમના નજીકના સેવા સારથી ભુજ લેવા પટેલ ટ્રસ્ટના અધ્યક્ષ ગોપાલભાઈ માવજી ગોરસિયાએ કહી ઉમેર્યું કે, તેમના દ્વારા ભુજમાં 47 એકરમાં સ્થપાયેલા નૂતન શૈક્ષણિક સંકુલમાં વિશાળ પ્રતિમા સાથે એક ખાસ સ્મૃતિ કક્ષ કે જેમાં હસુભાઈના સેવાકાર્યો – જીવન-કવન વિશે સર્જન કરાશે જે તેના પુત્ર-પરિવાર સાથે સંકલન કરી આખરી ઓપ અપાશે.