અદાણી પોર્ટ્સ એન્ડ સ્પેશિયલ ઇકોનોમિક ઝોન લિ.(APSEZ) સતત સફળતાના શિખરો સર કરી રહ્યું છે. ઓગસ્ટમાં અદાણી પોર્ટના કાર્ગો વોલ્યુમ હેન્ડલિંગમાં 5 ટકાનો વધારો નોંધાયો છે. મુંદ્રા અને તુણા પોર્ટમાં ઓગસ્ટમાં 4 દિવસના હવામાનમાં ડીપ-ડિપ્રેશન કંડિશન છતાં થયેલી વૃદ્ધિ ઉડીને આંખે વળગે તેવી બાબત છે.

એક્સચેન્જ ફાઈલિંગ મુજબ અદાણી પોર્ટ્સે ઓગસ્ટમાં કુલ 36.1 મિલિયન ટન કાર્ગોનું સંચાલન કર્યું હતું. જેમાં સૌથી વધુ ગ્રોથ કન્ટેનર હેન્ડલીંગમાં નોંધાયો છે. ઓગસ્ટ મહિનામાં તે 11 ટકા (YoY) વૃદ્ધિ સાથે ગત વર્ષની સરખામણીએ આગળ વધ્યો હતો. ઉલ્લેખનીય છે કે, મુંદ્રા અને તુણામાં હવામાનમાં ડીપ-ડિપ્રેશન કંડિશન છતાં વોલ્યુમ હેન્ડલિંગમાં વધારો નોંધાયો છે .

નાણાકીય વર્ષ 2024-25ના પ્રથમ 5 મહિના દરમિયાન અદાણી પોર્ટ્સે કુલ 182.4 મિલિયન ટન કાર્ગોનું સંચાલન કર્યું હતું, જે વાર્ષિક ધોરણે 7 ટકાનો વધારો દર્શાવે છે. આ વધારામાં કન્ટેનર, લીક્વીડ અને ગેસ કાર્ગો હેન્ડલિંગનો સમાવેશ થાય છે. ચાલુ વર્ષે ઓગસ્ટ 2024માં રેલ કાર્ગો વોલ્યુમ સાથે કંપનીની લોજિસ્ટિક્સ શાખાએ પણ નોંધપાત્ર કામગીરી નોંધાવી છે.

દરમિયાન, કટ્ટુપલ્લી પોર્ટે ઓગસ્ટ, 2024માં અત્યાર સુધીનું સૌથી વધુ માસિક કાર્ગો વોલ્યુમ હેન્ડલ કર્યું હતું. ઓગસ્ટ માસ દરમિયાન APSEZ એ 14 લાખ ટન કાર્ગો વોલ્યુમ હેન્ડલ કર્યું હતું.  બ્લૂમબર્ગના આંકડા અનુસાર અદાણી પોર્ટસને ટ્રેક કરી રહેલા 18 એક્સપર્ટ્સમાંથી 16 એક્સપર્ટ્સએ ‘BUY’ રેટિંગ આપ્યું છે.

30 ઓગસ્ટના રોજ અદાણી પોર્ટ્સે એસ્ટ્રો ઓફશોર ગ્રુપમાં $185 મિલિયનમાં 80% હિસ્સો મેળવી વ્યૂહાત્મક કદમ ઉઠાવ્યો છે. આ સોદો અગ્રણી વૈશ્વિક મરીન ઓપરેટર બનવાના APSEZના ધ્યેયને પ્રબળ બનાવશે. ઑફશોર ગ્રૂપનું મૂલ્ય $235 મિલિયનનું એન્ટરપ્રાઇઝ વેલ્યુએશન ધરાવે છે.  

મધ્ય પૂર્વ એશિયા, ભારત, પૂર્વ એશિયા અને આફ્રિકામાં એસ્ટ્રો 26 OSV ના કાફલાની માલિકી ધરાવે છે. જેમાં એન્કર હેન્ડલિંગ ટગ્સ (એએચટી), મલ્ટીપર્પઝ સપોર્ટ વેસેલ્સ (MPSV), ફ્લેટ ટોપ બાર્જ અને વર્કબોટ્સ અને જહાજ વ્યવસ્થાપનની પૂરક સેવાઓનો સમાવેશ થાય છે.