આજે એટલે કે 4 જુલાઈના રોજ સોના અને ચાંદીના ભાવમાં તેજી જોવા મળી રહી છે. ઈન્ડિયા બુલિયન એન્ડ જ્વેલર્સ એસોસિએશન (IBJA)ની વેબસાઈટ અનુસાર, 24 કેરેટ સોનાનો 10 ગ્રામનો ભાવ 209 રૂપિયા વધીને 72,435 રૂપિયા થયો છે. ગઈ કાલે તેની કિંમત 72,226 રૂપિયા પ્રતિ દસ ગ્રામ હતી.

આ તરફ એક કિલો ચાંદી 145 રૂપિયા વધીને 89,843 રૂપિયા પર વેચાઈ રહી છે. અગાઉ ચાંદીનો ભાવ 89,698 રૂપિયા પ્રતિ કિલો હતો. આ વર્ષે 29મી મેના રોજ ચાંદી રૂ. 94,280ની ઓલ ટાઈમ હાઈ પર પહોંચી ગઈ હતી.

આ વર્ષે અત્યાર સુધીમાં સોનાની કિંમત 9,083 રૂપિયા પ્રતિ 10 ગ્રામ વધી છે. વર્ષની શરૂઆતમાં તે રૂ. 63,870 પર હતો. જે હવે 71,983 રૂપિયા પ્રતિ 10 ગ્રામ છે. વર્ષની શરૂઆતમાં ચાંદીનો ભાવ 73,395 રૂપિયા પ્રતિ કિલો હતો. જે હવે 89,843 રૂપિયા પ્રતિ કિલોએ પહોંચી ગયો છે. એટલે કે આ વર્ષે ચાંદીમાં 16,448 રૂપિયાનો વધારો થયો છે.

બ્યુરો ઓફ ઇન્ડિયન સ્ટાન્ડર્ડ્સ (BIS) ના હોલમાર્ક ધરાવતું સર્ટિફાઈડ સોનું જ હંમેશા ખરીદો. સોના પર 6 અંકનો હોલમાર્ક કોડ હોય છે. તેને હોલમાર્ક યુનિક આઇડેન્ટિફિકેશન નંબર એટલે કે HUID કહેવામાં આવે છે. આ નંબર આલ્ફાન્યૂમેરિક છે એટલે કે કંઈક આના જેવું હોય છે- AZ4524. હોલમાર્કિંગ દ્વારા જાણી શકાય છે કે સોનું કેટલા કેરેટનું છે.