સોનું અને ચાંદી આજે એટલે કે 21મી મેના રોજ ઓલ ટાઈમ હાઈ પર પહોંચી ગયું છે. ઈન્ડિયા બુલિયન એન્ડ જ્વેલર્સ એસોસિયેશન (IBJA)ની વેબસાઈટ અનુસાર, ટ્રેડિંગ દરમિયાન 10 ગ્રામ સોનું રૂ. 839 વધીને રૂ. 74,222 થયું હતું.

ચાંદી પણ આજે ઓલ ટાઈમ હાઈ પર પહોંચી ગઈ છે. તે રૂ. 6,071 મોંઘી થઈને રૂ. 92,444 પ્રતિ કિલોએ પહોંચી છે. અગાઉ સોમવાર, 20 મેના રોજ તે રૂ. 86,373 પર હતી.

• દિલ્હી: 10 ગ્રામ 22 કેરેટ સોનાની કિંમત 68,450 રૂપિયા અને 10 ગ્રામ 24 કેરેટ સોનાની કિંમત 74,660 રૂપિયા છે.
• મુંબઈ: 10 ગ્રામ 22 કેરેટ સોનાની કિંમત 68,300 રૂપિયા અને 10 ગ્રામ 24 કેરેટ સોનાની કિંમત 74,510 રૂપિયા છે.
• કોલકાતા: 10 ગ્રામ 22 કેરેટ સોનાની કિંમત 68,300 રૂપિયા અને 24 કેરેટ સોનાના 10 ગ્રામની કિંમત 74,510 રૂપિયા છે.
• ચેન્નાઈ: 10 ગ્રામ 22 કેરેટ સોનાની કિંમત 68,600 રૂપિયા અને 10 ગ્રામ 24 કેરેટ સોનાની કિંમત 74,840 રૂપિયા છે.
• ભોપાલ: 10 ગ્રામ 22 કેરેટ સોનાની કિંમત 68,350 રૂપિયા અને 10 ગ્રામ 24 કેરેટ સોનાની કિંમત 74,560 રૂપિયા છે.

IBJA અનુસાર, આ વર્ષે અત્યાર સુધીમાં સોનાની કિંમતમાં 10,870 રૂપિયાનો વધારો થયો છે. 1 જાન્યુઆરીએ સોનું રૂ. 63,352 હતું, જે હવે રૂ. 74,222 પ્રતિ 10 ગ્રામ પર પહોંચી ગયું છે. તેમજ, એક કિલો ચાંદીની કિંમત 73,395 રૂપિયાથી વધીને 92,444 રૂપિયા પર પહોંચી ગઈ છે.

એચડીએફસી સિક્યોરિટીઝના કોમોડિટી અને કરન્સી હેડ અનુજ ગુપ્તાના જણાવ્યા અનુસાર આગામી દિવસોમાં પણ સોના અને ચાંદીમાં વધારો જોવા મળી શકે છે. આગામી એક વર્ષમાં સોનાની કિંમત 80 હજારથી 85 હજાર રૂપિયા પ્રતિ 10 ગ્રામ સુધી જઈ શકે છે. જ્યારે ચાંદી પણ 1 લાખ રૂપિયા પ્રતિ કિલો સુધી પહોંચી શકે છે.