દેશમાં મોબાઇલ ટેલીકૉમ સર્વિસના દરો વધી શકે છે. રિલાયન્સ જિયો અને ભારતી એરટેલ દેશભરમાં 5જી નેટવર્ક તૈયાર કરવાનું કામ પૂર્ણ કરવા જઇ રહી છે. ત્યારબાદ તેમનું ફોકસ તેના ખર્ચની ભરપાઇ પર રહેશે. રેટિંગ એજન્સી ફિચ અનુસાર, રિલાયન્સ જિયો 5જી ઇન્ફ્રાસ્ટ્રક્ચર પર 1.08-1.16 લાખ કરોડ રૂપિયાનું રોકાણ કરી રહી છે.

ભારતી એરટેલ પણ નવી પેઢી માટે ટેલીકોમ ઇન્ફ્રાસ્ટ્રક્ચર તૈયાર કરવા માટે 24,928-33,237 કરોડ રૂપિયા ખર્ચ કરી રહી છે. આ રીતે આ બંને કંપનીઓ 5જી સર્વિસ શરૂ કરવા પર 1.90 લાખ કરોડ રૂપિયાથી વધુ ખર્ચ કરી રહી છે. તેની ભરપાઇ માટે તેઓએ ટેરિફ વધારવાની જરૂરિયાત રહેશે. તેની ભરપાઇ માટે તેઓએ ટેરિફ વધારવાની જરૂરિયાત રહેશે. ICICI અનુસાર, જુલાઇ 2017 થી અત્યાર સુધી મોબાઇલ ટેરિફમાં અંદાજે બમણો વધારો થયો છે.

જિયો અને એરટેલ 3 કરોડ નવા ગ્રાહકો જોડી શકે છે-ફિચના અનુમાન અનુસાર 2024માં એરટેલ અંદાજે 1 કરોડ નવા ગ્રાહકો જોડશે, જ્યારે જિયોની સાથે તેનાથી બમણા લગભગ 2 કરોડ સબસ્ક્રાઇબર્સ જોડાશે. તેનો અર્થ છે કે તેમની પાસે ટેરિફ વધારવાનો અવકાશ હશે.

દરેક અપગ્રેડમાં મોબાઇલ સર્વિસ પર ગ્રાહક ખર્ચ વધ્યો-ટેલિકોમ નિયામક ટ્રાઇ અનુસાર, 2જીથી 3જી અને પછી 3જીથી 4જી, દરેક અપગ્રેડેશનમાં મોબાઇલ સર્વિસ પર ગ્રાહક ખર્ચ અંદાજે 2.5% વધ્યો છે. 23-24ના પહેલા ક્વાર્ટરમાં આ ખર્ચ અંદાજે 52,400 કરોડ રૂપિયા રહ્યો હતો. 4જી થી 5જીમાં સંપૂર્ણપણે અપગ્રેડેશન ખર્ચ વધારશે.