ચોમાસાએ ફરી એકવાર જોર પકડ્યું છે. ભારતીય હવામાન વિભાગે આગામી ત્રણ દિવસ મધ્ય પ્રદેશ, મહારાષ્ટ્ર અને ગુજરાતમાં ભારે વરસાદની આગાહી કરી છે.

મહારાષ્ટ્રના મુંબઈ, થાણે, પાલઘર, રાયગઢ, રત્નાગીરી, ધુલે, જલગાંવ અને નાસિક જિલ્લામાં શુક્રવાર માટે યલો એલર્ટ જારી કરવામાં આવ્યું છે.

બીજી તરફ, IMD એ દિલ્હીમાં આગામી બે દિવસ વરસાદની આગાહી કરી છે, જ્યાં G20 સમિટ 9-10 સપ્ટેમ્બરે ભારત મંડપમમાં યોજાવાની છે. આ માટે હવામાન વિભાગે પ્રગતિ મેદાન પાસે વધારાનું ઓટોમેટેડ વેધર સ્ટેશન પણ બનાવ્યું છે.

આ સિવાય કર્ણાટક, કેરળ અને પૂર્વી રાજ્યો ત્રિપુરા, મેઘાલય, મણિપુરમાં વરસાદની સંભાવના છે. IMD અનુસાર, દેશમાં આ ચોમાસાની સિઝનમાં 11% ઓછો વરસાદ થયો છે.

તે જ સમયે, હિમાચલ પ્રદેશના કિન્નૌર જિલ્લાના નિગુલસારી પાસે ભૂસ્ખલન થયું હતું. જેના કારણે નેશનલ હાઈવે 5 બંધ થઈ ગયો હતો.

અહીં ભારે વરસાદ પડશેઃ મધ્યપ્રદેશ, ગુજરાત, મહારાષ્ટ્ર, કર્ણાટક, ગોવા, કેરળ અને તમિલનાડુ.

હળવો વરસાદ પડશે: યુપી, બિહાર, રાજસ્થાન, આસામ, મેઘાલય, નાગાલેન્ડ, ત્રિપુરા, મિઝોરમ અને મણિપુર.