~ Gseb. orgની સત્તાવાર વેબસાઈટ પરથી તમામ વિદ્યાર્થી ડાઉનલોડ કરી શકશે

ગુજરાતમાં માધ્યમિક અને ઉચ્ચતર માધ્યમિક બોર્ડ દ્વારા 14 માર્ચથી શરુ થઈ રહેલી ધોરણ 12 વિજ્ઞાન પ્રવાહની પરીક્ષાના પ્રવેશપત્રો આજથી ડાઉનલોડ કરી શકાશે. Gseb. orgની સત્તાવાર વેબસાઈટ પરથી તમામ વિદ્યાર્થી તેમના પ્રવેશપત્ર મેળવી શકશે. હાલ  ધોરણ 12 સાયન્સની પ્રેક્ટિકલ પરીક્ષા ચાલી રહી છે જે 2 માર્ચે પુરી થશે.

સ્કૂલ દ્વારા પ્રવેશપત્ર ડાઉનલોડ કરવાના રહેશે
ગુજરાત માધ્યમિક અને ઉચ્ચતર માધ્યમિક બોર્ડની ધોરણ 10 અને 12ની પરીક્ષા 14 માર્ચથી શરૂ થવાની છે. બોર્ડની પરીક્ષા માટે આજથી ધોરણ 12 સાયન્સની હોલ ટિકિટ ડાઉનલોડ થવાની શરૂ થઈ છે. સ્કૂલ દ્વારા ટિકિટ ડાઉનલોડ કરીને સહી સિક્કા સાથે વિદ્યાર્થીઓને આપવામાં આવશે. ધોરણ 12 સાયન્સની પ્રેક્ટિકલ પરીક્ષા ચાલી રહી છે જે 2 માર્ચે પુરી થશે.

પ્રવેશપત્રમાં ભૂલ જણાય તો તરત  બોર્ડની કચેરીનો સંપર્ક કરવો
સ્કૂલ દ્વારા પ્રવેશપત્ર ડાઉનલોડ કરી વિદ્યાર્થીનો ફોટો, સહી, વર્ગ શિક્ષકની સહી અને પ્રિન્સિપાલના સહી સિક્કાની પ્રક્રિયા બાદ વિદ્યાર્થીને આપવાની રહેશે. વિદ્યાર્થીએ પ્રવેશપત્રમાં આપવામાં આવેલી તમામ માહિતી એકવખત ચેક કરી લેવી જો તેમાં કોઈ ભૂલ અથવા લખાણમાં ખામી લાગે તો તરત આ અંગે બોર્ડની કચેરીએ રૂબરૂ જઈને જાણ કરવાની રહેશે.

બોર્ડની સત્તાવાર વેબસાઈટ પર પ્રેક્ટિકલ પરીક્ષાના માર્ક્સ બતાવશે
હાલ ચાલી રહેલી ધોરણ 12 સાયન્સની પ્રેક્ટિકલ પરીક્ષા 2 માર્ચે પુરી થશે. બહારથી આવેલ નિરક્ષકની હાજરીમાં જ આ પ્રેક્ટિકલ પરીક્ષામાં લેવામાં આવશે. જે દિવસે પરીક્ષા લેવાશે તે દિવસે સાંજ સુધીમાં જ બોર્ડની સત્તાવાર વેબસાઈટ પર પ્રેક્ટિકલ પરીક્ષાના માર્ક્સ અપલોડ કરવાના રહેશે.