~ નાબ નદી પર દુનિયાનું સૌથી ઊંચું સિંગલ-આર્ક રેલ્વે બ્રિજ બનાવવા આવી રહ્યું છે

કેન્દ્રીય નાણામંત્રી નિર્મલા સીતારમણએ મોદી સરકારના બીજા કાર્યકાળનું અંતિમ પૂર્ણ બજેટ રજુ કર્યું છે. આ બજેટમાં બધા સેક્ટર્સ માટે મોટી ઘોષણાઓ કરવામાં આવી હતી. આ ઘોષણાઓમાં રેલ્વે પણ સામેલ છે. કેન્દ્ર સરકાર દ્વારા રેલ્વે મંત્રાલયને કુલ 2.4 લાખ કરોડ રૂપિયાનું બજેટ ફાળવવામાં આવ્યું છે. રેલ્વેની નવી યોજનાઓ માટે 75 હજાર કરોડના ફંડની જાહેરાત કરવામાં આવી છે. પ્રાઇવેટ સેક્ટર ની મદદથી 100 નવા પ્રોજેક્ટ્સ શરુ કરવામાં આવશે. આવો જાણીએ રેલ્વેના મોટા પ્રોજેક્ટ્સ વિશે હાલમાં જેમના પર સતત કામ ચાલુ છે અને ભવિષ્યમાં જેના દ્વારા કરોડો લોકોને લાભ મળશે.

રેલ્વે મંત્રાલય દેશના આ મોટા પ્રોજેક્ટ્સ પર કરી રહ્યું છે કામ:

અમદાવાદ-મુંબઈ બુલેટ ટ્રેન પ્રોજેક્ટ:
ગુજરાતના 8 જીલ્લાઓ તથા દાદરા અને નગર હવેલીથી પસાર થતી સમાંતરની સાથે નિર્માણ પણ શરુ થઈ ગયું છે. વર્ષો સુધી અટકી રહેલ બુલેટ ટ્રેન પ્રોજેક્ટે હાલમાં સ્પીડ પકડી છે, જેમાં મહારાષ્ટ્ર પણ સામેલ છે. અધિકારીઓના જણાવ્યા મુજબ, બુલેટ ટ્રેન પ્રોજેક્ટ વર્ષ 2027માં પૂર્ણ થઈ શકે છે.

ચિનાબ નદી રેલ્વે બ્રિજ પ્રોજેક્ટ:
ચિનાબ નદી પર વિશ્વનું સૌથી ઊંચું સિંગલ-આર્ક બ્રિજ બનાવવામાં આવી રહ્યું છે. ચિનાબ નદી રલવે બ્રિજ ઉધમપુર-શ્રીનગર-બારામૂલા રેલ લીંક પ્રોજેક્ટનું એક ભાગ છે. 9.2 કરોડ ડોલરના બજેટવાળું   1.3 કિલોમીટર લાંબુ આ પ્રોજેક્ટ કાશ્મીરને ભારતના અન્ય રાજ્યોથી રેલ્વે નેટવર્કના માધ્યમથી જોડશે. રેલવેના આ પ્રોજેક્ટ દ્વારા કાશ્મીર પહોંચવા માટે વધુ સરળ બની રહેશે. ચિનાબ નદીનું રેલ્વે બ્રિજ એફકોન્સ ઇન્ફ્રાસ્ટ્રક્ચર (ભારત), વીએસેલ ઇન્ડિયા અને સાઉથ કોરિયાની અલ્ટ્રા કન્સ્ટ્રકશન એન્ડ ઇન્જીનિયરીંગ કંપનીના સહયોગથી બનાવવામાં આવશે.

ઝડપી ટ્રેનોનું અમલીકરણ:

દિલ્લીથી મેરઠ વચ્ચે વર્ષ 2025માં ઝડપી ટ્રેનો શરુ કરવામાં આવશે. આ સંપૂર્ણ રેલ્વે કોરિડોરને ત્રણ તબક્કામાં પૂરું કરવામાં આવશે. પહેલા તબક્કાનું રેલ્વે રૂટ સાહિબાબાદથી દુહાઈ ડીપો વચ્ચે 17 કિલોમીટર લાંબો છે. આ ભાગમાં રેપિડ રેલને માર્ચ 2023થી મુસાફરી માટે શરુ કરવામાં આવશે. આ ભાગમાં રેલ્વે ટ્રેક બનાવવાનું કામ પૂરું થઈ ચુક્યું છે. અહિયાં ઓવરહેડ ઇક્વિપમેન્ટ લાઈનના ઇન્સ્ટોલેશનનું કામ ચાલી રહ્યું છે. વર્ષ 2023ના માર્ચ મહિનામાં આ ટ્રેક પર દુહાઈ ડીપોથી સાહિબાબાદ વચ્ચે ટ્રેનો શરુ થઈ જશે.

બઈરબી-સાઈરંગ નવી રેલ લાઈન પ્રોજેક્ટ:

પૂર્વોત્તર રાજ્ય મિઝોરમને ભારતના અન્ય ભાગોથી જોડવા માટે બઈરબી-સાઈરંગ નવી રેલ લાઈન પ્રોજેક્ટ પર કામ ચાલી રહ્યું છે. આ પ્રોજેક્ટ પૂર્ણ થયા બાદ ભારતના પૂર્વ અને ઉત્તરના રાજ્યોમાં ખાસ કરીને મિઝોરમમાં સંચાર અને વાણિજ્યના ક્ષેત્રમાં એક નવા યુગની શરૂઆત થશે. બૈરાગી-સૈરાંગ પ્રોજેક્ટનો મુખ્ય હેતુ પૂર્વોત્તર ભારતમાં વધારે પડતા 51.38 કિલોમીટર રેલ્વે લાઈન બનાવવાનો છે.

ભાલુક્પોંગ-તવાંગ રેલ્વે લાઈન:

ભાલુક્પોંગ-તવાંગ લાઈન પૂર્વોત્તરની મહત્વપૂર્ણ યોજનાઓમાંથી એક છે. આ યોજનાના માધ્યમથી ભારતીય સેનાની વ્યાપક જરૂરિયાતો પૂરી પાડવામાં આવશે. જ્યાં ચીન અને ભારત વચ્ચે તણાવ વધેલો છે. આ લાઈનમાં કેટલીક સુરંગો હશે અને આ 10,000 ફૂટની ઉચાઈ પર બનાવવામાં આવશે.