~ અદાણી પોર્ટસ બંગાળમાં હલ્દિઆ ડોકની ક્ષમતા વધારશે

~ બંગાળમાં હલ્દિઆ ડોક સંકુલ (HDC) માં બર્થ નં.૨ના વિકાસ માટે એપીએસઇઝેડએ કન્સેસન એગ્રીમેન્ટ કર્યુ

~ ૩૦ વર્ષના કન્સેસન સમયગાળા માટે વાર્ષિક ૩.૭૪ મિલીઅન ટનની ક્ષમતા સાથેના બલ્ક ટર્મિનલની ડિઝાઇન, બાંધકામ, ધિરાણ, સંચાલન, જાળવણી અને વ્યવસ્થાપન એપીએસઇઝેડ કરશે

દેશના અવ્વલ નંબરના ઔદ્યોગિક અદાણી ગૃપના એક અંગ અને દેશના સંકલિત પરિવહન ક્ષેત્રની વિરાટ કંપની અદાણી પોર્ટસ અને સ્પેશ્યલ ઇકોનોમિક ઝોન લિ. (APSEZ)ની પોતાની સંપૂર્ણ માલિકીની એચડીસી બલ્ક ટર્મિનલ લિ. (HBTL)એ શ્યામા પ્રસાદ મુકર્જી પોર્ટ કોલકત્તા (SMPK) સાથે હલ્દિઆ બંદર ખાતે બર્થ નં.૨ના મિકેનાઇઝેશન માટે કન્સેસન એગ્રીમેન્ટ ઉપર હસ્તાક્ષર કરવા સાથે બંદરીય ક્ષેત્રમાં પોતાની પાંખ વિસ્તારી છે અદાણી પોર્ટસ અગાઉ ફેબ્રુઆરીમાં એપીએસઇઝેડની શ્યામા પ્રસાદ મુકર્જી પોર્ટ કોલકત્તા (SMPK)એ એક સફળ બિડર તરીકે કરેલી પસંદગી સાથે આ એગ્રીમેન્ટ અનુસંધાન જોડે છે. 

એપીએસઇઝેડના પૂર્ણ કાલિન ડાયરેકટર અને મુખ્ય કારોબારી અધિકારી શ્રી કરણ અદાણીએ જણાવ્યું હતું કે ’’હલ્દિઆ બલ્ક ટર્મિનલના મિકેનાઇઝેશન અને અપગ્રેડેશન અમોને બંગાળમાં એપીએસઇઝેડની ફુટ પ્રિન્ટને દ્રઢતાથી પ્રસ્થાપિત કરવાની તક પૂરી પાડે છે.” “બંગાળના સતત વિકસતા ઉદ્યોગ અને અર્થતંત્રને વધુ વેગ આપવા માટે અમે પ્રતિબદ્ધ છીએ. આ સંપૂર્ણ યાંત્રિક સુવિધા સાથે અમારું લક્ષ્ય બંદરીય કામગીરી અને પર્યાવરણીય પધ્ધતિઓમાં ઉચ્ચ બેન્ચમાર્ક સ્થાપવાનું છે. ભારતના પૂર્વ કિનારે અમારા હાલના વિશ્વ કક્ષાના બંદરો અને ટર્મિનલ્સની સાથે, APSEZની સેવાઓ સાથે આ ટર્મિનલ સુમેળ સાધીને ગ્રાહકોના અનુભવમાં ઉમેરો કરશે. સંકલિત લોજિસ્ટિક્સના ક્ષેત્રમાં અમારું નેતૃત્વ HBTLની કાર્યક્ષમતામાં નોંધપાત્ર વધારો કરશે અને આખરે તે શિપિંગ ઉદ્યોગને ફાયદારુપ થશે.” એમ તેમણે વધુમાં જણાવ્યું હતું

શ્યામા પ્રસાદ મુકર્જી પોર્ટ કોલકત્તા (SMPK) અને હલ્દીઆ બલ્ક ટર્મિનલ લિ.(HBTL) વચ્ચે થયેલા કન્સેશન એગ્રીમેન્ટ અનુસાર આ પ્રોજેક્ટના અમલીકરણ માટે રચાયેલ સ્પેશિયલ પર્પઝ વેહીકલ (SPV) ને હલ્દિઆ ખાતેના હલ્દીઆ ડોક સંકુલ ખાતે 30 વર્ષના કન્સેશન સમયગાળા માટે વાર્ષિક ૩.૭૪ મિલિયન ટનની ક્ષમતાના આ બલ્ક ટર્મિનલની ડિઝાઇન, નિર્માણ, ધિરાણ, સંચાલન, જાળવણી અને સંચાલનના અધિકારો પ્રાપ્ત થશે.

શ્યામા પ્રસાદ મુકર્જી પોર્ટ કોલકતાના કાર્યક્ષેત્ર હેઠળનું ડોક સંકૂલ હલ્દિઆ ખાતે વિવિધ બલ્ક હેન્ડલિંગ સુવિધાઓ ધરાવે છે. હલ્દિઆ ડોક સંકૂલ બંગાળ, બિહાર, ઉત્તર પ્રદેશ, ઝારખંડ, આસામ, ઉત્તરપૂર્વીય પહાડી રાજ્યો અને નેપાળના લેન્ડ લોક્ડ પાડોશી  દેશ સહિત વિશાળ અંતરિયાળ વિસ્તારોને જરુરી બંદરીય સેવાઓ પૂરી પાડે છે. આ ટર્મિનલ અંતરિયાળ વિસ્તારમાં આવેલા સ્ટીલ પ્લાન્ટ્સ, પાવર પ્લાન્ટ્સ અને સિમેન્ટ પ્લાન્ટ્સમાં કાચા માલની સપ્લાય ચેઇન હેન્ડલ કરશે.

બલ્ક કાર્ગો હેન્ડલિંગ સેવાઓ પ્રદાન કરવાની ક્ષમતા આ પ્રોજેક્ટની મુખ્ય યુએસપી છે, જે સંપૂર્ણપણે યાંત્રિક, અતિ કાર્યક્ષમ, મૈત્રીસભર પર્યાવરણ અને પ્રદૂષણ-મુક્ત હશે. આ પ્રોજેક્ટ ફક્ત બંદરની કાર્યકદક્ષ ક્ષમતા જ વધારશે નહીં પરંતુ હલ્દિઆ ડોક પર આવતા જહાજોના ટર્નએરાઉન્ડ સમયને ઘટાડીને બંદર વપરાશકારોના લોજિસ્ટિક્સ ખર્ચને ઘટાડવામાં પણ મદદરુપ થશે.

હસ્તાક્ષર કરાયેલ કન્સેશન એગ્રીમેન્ટ મુજબ HBTL કંપની આ પ્રોજેકટ માટે છ મહિનામાં ફાયનાન્સિઅલ ક્લોઝરની પ્રક્રીયા હાથ ધરશે અને ટર્મિનલનું નિર્માણ કાર્ય શરૂ કરશે.પ્રોજેક્ટનો અંદાજિત ખર્ચ રૂ.૨૯૮ કરોડ છે. ઉલ્લેખનિય છે કે આ પ્રોજેક્ટને જરૂરી પર્યાવરણ મંજૂરી પહેલાથી જ મળી ગઈ છે.

અદાણી પોર્ટસ એન્ડ સ્પેશ્યલ ઈકોનોમિક ઝોન લિમિટેડ અંગેઃ

વૈશ્વિક સ્તરે વિવિધિકરણ ધરાવતા અદાણી ગ્રુપના હિસ્સારૂપ, અદાણી પોર્ટસ એન્ડ સ્પેશ્યલ ઈકોનોમિક ઝોન લિમિટેડ (APSEZ) પોર્ટ કંપનીમાંથી પોર્ટસ એન્ડ લોજીસ્ટીક્સ પ્લેટફોર્મ તરીકે ઉભરી આવી છે. વ્યૂહાત્મક સ્થળોએ આવેલા ગુજરાતમાં મુંદ્રા, દહેજ, તુના અને હજીરા, ઓડીશામાં ધામરા, ગોવામાં માર્મુગોવા, આંધ્ર પ્રદેશમાં ગંગાવરમ, વિશાખાપટ્નમ અને ક્રિશ્નાપટનમ, મહારાષ્ટ્રમાં દીઘી અને ચેન્નાઈમાં એનરોન સહિત 12 પોર્ટસ અને ટર્મિનલ્સ સાથે તે સૌથી મોટી પોર્ટ ડેવલપર અને ઓપરેટર છે, જે દેશની કુલ પોર્ટ ક્ષમતામાંથી 24 ટકાનું પ્રતિનિધિત્વ કરે છે. આ પોર્ટ સાગરકાંઠાના વિસ્તારો અને હિન્ટરલેન્ડનો વ્યાપક જથ્થો હેન્ડલ કરે છે. કંપની કેરાલામાં વિઝીન્ઝામ ખાતે ટ્રાન્સશીપમેન્ટ પોર્ટ વિકસાવી રહી છે. અમારા પોર્ટસ એન્ડ લોજીસ્ટીક પ્લેટફોર્મમાં ઈન્ટિગ્રેટેડ લોજીસ્ટીક્સ ક્ષમતાઓ અને ઈન્ડસ્ટ્રિયલ ઈકોનોમિક ઝોન્સના બંદરો અને એકમોનો સમાવેશ થાય છે, જે અમને લાભદાયી સ્થિતિમાં મૂકે છે અને ગ્લોબલ સપ્લાય ચેઈનમાં પ્રભાવક સ્થાન આપે છે. અમારૂં વિઝન આગામી દાયકામાં દુનિયાના સૌથી મોટા પોર્ટસ અને લોજીસ્ટીક્સ પ્લેટફોર્મ બનવાનું છે. વર્ષ 2025 સુધીમાં કાર્બન ન્યૂટ્રલ બનવાના બેઝ સાથે સાયન્સ બેઝ્ડ ટાર્ગેટ ઈનિશ્યેટિવ (SBTi) ઉપર હસ્તાક્ષર કર્યા છે અને તે મારફતે ગ્લોબલ વોર્મિંગને પ્રિ-ઈન્ડસ્ટ્રિયલ લેવલના ૧.૫ સેન્ટીગ્રેડ સુધી રાખીને એમિશનમાં ઘટાડો કરવાની કટિબધ્ધતા દાખવી છે